الطلاب والبكالوريا

مرحبا شباب وصبايا كيفكون هاد أول موضوع بطرحو بالمنتدى وانشا الله الكل بيشارك برأيو
كنت حابي احكي عن البكالوريا بما أني حاليا عم أعمل دورة بكالوريا علمي
بدي أعرف كل شخص جاي عالبكالوريا اذا خايف اولا ؟واثق من حالو ؟ شو طموحو وليش ؟
او أي شي بيخطرلو حول البكالوريا بما أنها السنة يلي رح تقرر مصير الشخص والمعدلات يخزي العين كتير حلوة...... واذا بتآمنو بالحظ بالبكالوريا متل ما بيقول البعض؟؟؟؟؟؟؟
واذا في حدا من الأعضاء خلص بكالوريا ياريت يحكيلنا شوي عن تجربتو بلكيت منستفيد بشي شغلة
شكرا

موضوعك حلو و بيمسنا كلنا هلق
اكيد كل طالب في عندو خوف من البكالوريا لانها عنا بتقرر مصير الواحد بس هاد الخوف منقدر نستفيد منو بانو نزيد دراستنا و نتعب زيادة مشان نحصل اكتر هلق انا من ناحيتي طموحي ادخل صيدلة و بتمنى جيب المجموع المطلوب و بالنسبة للحظ بالبكالوريا ما بامن فيه غير من ناحية الاسئلة و التصحيح بس ما لازم كتير نعتمد عليه لانن كتير عم يراعونا والدليل السلالم يلي بتموت ببعض الدورات
موفقين شباب و صبايا

هلق البكلوريا ما بتخوف بترعب وانا ما عندي ثقة بحالي ابدا وطموحي ادخل كلية الصيدلة انشا الله
*هلق الحظ الو نصيب بالبكلوريا اكيد لانو اذا الورق تصحح بالشام مو متا اذا تصحح بالسويدا
*الك كل الشكر عمواضيعك الحلوة........

من الطبيعي ان ينتاب الإنسان القلق تجاه البكالوريا بما أنها سنة مصيرية في حياته وصعوبة هذه السنة تكمن في القدر الهائل من التركيز الواجب على الطالب التحلي به (يعني لازم يكون مخو نضيف وبعدين هي سنة وبتمر ) تمنياتي لجميع الأعضاء بالتوفيق و تحقيق مرادهم والتحلي بالإيجابية في التفكير

اول الشي اهلا وسهلا فيكي وانشالله بكون اول موضوع استفتاحية المواضيع القيمة اللي عم ننطرها منك.
اما بالنسبة للمعركة الي نحنا عم نتجهز الها فأنا اخشى هذه المعركة لانو اكيد رح تكون معركة فردية يعني المساعدي رح تكون معنوية فقط يعني لا تنتظر انو يجي سبايدر مان او حدا تاني فجأة وينقذك. معركة لوحدك بدك تكون مهيأ بشكل جدي صارم يا أما انطور الفشل والخسارة من هلا .
بالتوفيق للجميع
تحياتــ ميموــي

نصيحه الك ..................لكل الطلبه
تكون ناجح لمن بيكون مخك صافي للبكلوريا وقلبك مافي غير هم...... رب العالمين........ ولبكلوريا متى ما نشغلت بغيرهم انت فاشل وراح تفشل
بحكي عن تجربه ل200 شخص بالتوفيق

اولا بتمنى تعذروني عالرد المتأخر بس بصراحة بالصدفة فتت عهالقسم وجذبني الموضوع
بالنسبة للبكلوريا انا برأيي مابتخوف ولا بترعب بالنسبة ل يلي مطنش الناس وعميمشي ورا طموحو حكي العالم ونق الناس وضغط الأهل بسبب الفشل الذريع اما الي حابب ينجح بعلامات مالو غير العزلة والتطنيش خصوصا اوقات الدرس
نصيحة صغيرة: المواد الحفظية خلو حدا يسمعلكن لأن الحافظو بيترسخ والمو زيادة بينحفظ
طموحي كلية الهندسة المدنية
وبتمنى التوفيق للجميع وشكرا...............