المدارس المختلطة

مرحبا شباب وصبايا:
ذكروا الشباب باحد الحوارات انو لازم يتم طرح موضوع علاقة الفرد بالجنس الاخر
وحقيقة حابب اخد ارائكون بموضوع المدارس المختلطة
مع وللا ضد وليش
وبتمنى تكون الاراء من الجنسين لحتى يكون في وضوح اكتر وحوار اكتر وردود فعالة اكتر
وبما انو المنتدى هدفو الحوار الجاد والتوضيح والتنمية فموضوعي هدفو الحوار الجاد وبس
ومو شي تاني.
الرجاء الرد بجدية وصراحة.
لكم تحياتي.

[color=blue][color=red]الصديق ayyobadones [/color]
أشكرك على طرح هذا الموضوع فقد كان في أحد المحور التي طرحتها في مداخلة سابقة وأتمنى أن يساهم جميع الأصدقاء في إبداء آرائهم
لأن هذا الموضوع هام جداً لكل من الشباب والبنات
إن الاختلاط هو الأمر الطبيعي وفصل الجنسين عن بعضهما هو الأمر الشاذ ولا
تستقيم الأمور إلا إذا عاد كل شيء إلى أصله فالتجارب التي تمت في أكثر من مكان ( مدارس طرطوس بالكامل - مدارس المتفوقين في سوريا )أثبتت ما يلي:
1- يزداد المستوى العلمي للجميع بسبب المنافسة
2- تقل حوادث الشغب وأفعال المشا**ة
3- كل طالب وكل طالبة يظهرون أفضل ما لديهم
4- تنتهي المناوبات أمام مدارس البنات لعدم وجود هذه المدارس
5- تزول تماماَ عمليات التلطيش فكل طالب لديه الإحساس بأنه مسؤول عن حماية زميلته والحفاظ عليها
6- يزداد التهذيب من الطرفين ويزداد اهمامهم بشكلهم الخارجي ويحاول الطرفان جذب انتباه الطرف الآخر من خلال إثبات ذكائهم وينع** ذلك إيجابياً على دراستهم

أصدقائي:[/color]
أرجو متابعة الموضوع والتعليق عليه

انا معك ايد بايد خيي ايوبادونيس و بدي مدارس سورية كلا تصير مختلط مومشان شي بس مشان ما اطرق مشوار كل نهار على قتيبة

انا معك ايد بايد لاخر لحظة بحياتي وشكرا ع جهودك المبذولة

والله يا شباب الموضوع حسّاس وبدو كتير تخطيط لأنو عم يصير كتير مشاكل من ورا هي المدارس مع أنو التجربة كتير حلوي ومفيدي بس الأمر مو بأيدنا ...
وشكراً....

بالعكس الموضوع جدا ً بسيط و جدا ً مهم
لأنو الشب أحيانا ً عم يلاقي صعوبي كبيري أنو يحكي مع بنت و لو كان بغرض الصداقة فقط مع أنو لازم يكون التواص بين الشب و البنت أسهل انواع التواصل و يكون في راحة بين الطرفين و هالشي غالبا ً ما عم يكون موجود
لهيك المدارس المختلطة رح تسهل هالشي
و رح يقدر الطرفين يستفيدو من بعض كونو من جنسين مختلفين

برأيي لازم يطبق هالشي لكسر حاجز التعامل بين البنت والشب كأصدقاء خصوصا عدم وجود الاختلاط بيناتن عم يأدي لتكون رغبة عند كل طرف ليعرف التاني اما اذا كانوا سوا رح يكون التعامل اسهل
مشكور اخ ايوب ادنونيس

انا مع الاختلاط بالمدارس تماما و بالنسبة للمشاكل يلي ممكن تصير اذا تم الاختلاط فانا براي انو لما يكون الطرفين سوا من وقت دخول الروضة رح يصر عندن راحة بالتعامل سوا و رح تنكسر الحواجز يلي بينن هلق
و بحب ضيف مشكلة جديدة بتتعلق بهالموضوع و هي وقت دخول الجامعة بيدخل الشب و البنت لجو جديد كانوا غايبين عنو طول دراستهن الاعدادية و الثانوية و هون بتبدأ المشاكل فماعاد بيعرفوا يكونوا صداقات و البعض بيبدأ يغلط و يخبص مشان هيك و لحل هالمشاكل لازم ينشَغل على الاختلاط لانوا بالنهاية ما عم يسبب الانفصال غير العقد و الخجل عند الجنسين و جهلن بنوع كتير حلو من الصداقة الاخوية يلي ممكن تصير بينن

الموضوع كتير حلو وانا برأي انو ما لازم يكون في فصل لانو هيك الشباب ما عم يخطلطو بالبنات ابدا والصداقة بين الشب والبنت شي كتير حلو وممكن تستمر فترة طويلة فاذا كانت الصداقة عن طريق المدرسة رح يكون شي احلى واصلا هيك الشب او البنت ما بينصدم بجو الجامعة المختلط لان عنجد في كتير شباب او صبايا بتأثر عليون السنة الاولى كتير فالاختلاط عنجد شي لازم يتطبق بكل المدارس
مشكورين كتير عالموضوع الحلو

موضوع جريء وبما انو انطرح بموضوعية لازم نناقش كل التفاصيل
اول شي انا رايي ما لازم يصير في مدارس مختلطة ليش؟
اول شي المجتمع يلي عايشين في يعني العادات والتقاليد
يعني ما حدا راح يخلي بنتو او اختو تصير تروح عالمدرسة
وتاني شي ما كل الشباب والبنات اخلاقهن نفس الشي
يعني بالنهاية نحنا ما عايشين بمجتمع مثالي
يعني بدون مدارس مختلطة وبنشوف الشباب واقفين عمدارس البنات متل جمهور الملاعب
فكيف ازا كانوا سوا بنفس المدرسة؟؟؟
يعني نحنا بنعرف الشباب ما بيكتفي بوحدة بدو الكل
يعني في كتير شباب نيتن عاطلة الا من رحم ربي

أنا أعتقد أنه شتان ما بين الإختلاط داخل البيت وخارجه؟؟؟
بالنسبة لارسال البنات للجامعة أنا أعتقد أنه في هذه المرحلة من العمر تكون درجة الوعي والمسؤولية أكبر من المراحل السابقة من العمر
نعم هناك اختلاط في المدارس الإبتدائية ولكن للاسف هناك قصص غريبة تحدث وخاصة مع الإنفتاح الكبير بالنسبة للانترنت والتلفاز من أغاني ومسلسلات وخاصة الأجنبية منها
ومحاولة التقليد لهم بقصد او بدون؟؟؟

عزيزي ساهر الليل أظن أني قصدت بكلامي أننا لا نعيش في مجتمع مثالي؟؟؟
وأنت قلت: من يريد الانحراف ينحرف؟
وكم من الأهل اعتقدوا أنهم متابعين أو مراقين أو أولادهم تحت السيطرة ولكن للأسف ينصدمون بواقع أولادهم
ولو كان كل الأولاد تحت سيطرة الأهل لكان المجتمع مثال أو لكانت المدينة الفاضلة؟!!!!!!!
وأنا وضحت أمر الجامعة ووضعها على أن الشخص اي كان ذكر أم انثى في هذه المرحلة يكون أكثر نضوجا؟؟
أما مدارس الباسل معك حق لكن لا تنس من يدخل هذه المدارس؟؟؟؟
فأنت تعيش في هذا المجتمع وترى أنه يوجد شخصيات متعددة من الشباب في مدارسهم العادية فما بالك اذا كانوا في مدرسة مختلطة؟؟؟

مرحبا
أنا حبيت شارك بالموضع لأنو هذا الموضوع وخصوصا باللاذقية أدى لشغب كبير عندما فصلوا البنات والشباب منذ سنتين
حيث قاموا بإنشاء تجمع ضخم قام بجمع الصبيان مع بعضهم من مختلف المدارس ويوجد بالتجمع 5مدارس وكل مدرسة بضم 4مدارس ولكن من جهة نظرنا الموضوع خاطئ لأنوا صاروا الشباب ياخدوا راحتون على قولون ما في شي ليخجلوا منوا وصاروا يهربوا لمدارس البنات قبل انتهاء الدوام والأداريون لا يقدرون ضبط الطلاب في المستوى المطلوب وخفت نشاطاتهم و عدد ساعات دراستهم وانتهت المنافسة بينهم ولكن الأن يعاني التجمع من نقص طلاب بسسب انتقال معظم الطلاب إلى المدارس المختلطة المتبقية في المحافظة حيث يوجد في كل شعبة من المدارس المختلطة 50طالب وطالبة بينما في التجمع 20 طالب وأقل
مع العلم أحسن تجهيز وبناء هو مادرس التجمع حيث يضم إلى جانب المدارس ملعب ضخم و مخفر خاص للتجمع ومكتبة مركزية تضم كل الكتب والمعاجم وغيرها التي نطلبها وأفضل الأستاذة موجودة بس مع الأسف الطالب لم يهتم بهذه الأشياء وذهب إلى المدارس المختلطة والمدارس المختلطة نسبة النجاع فيها أعلى بكتير من نسبة النجاح في التجمع مع العلم لاتتوفر لديهم الذي يتوفر للتجمع بس هذا حال الدنيا
أرجوا أخد مروري بعين الأعتبار وهذا جزء من مشاكلنا هنا

شكراً إلك يا حبيب عالرد الجميل بس ممكن توضّحلنا بأي منطقة من اللاذقية لأنو أنا بعرف أنو في مدارس مختلطة بس ما صار فيها مشاكل متل مدرسة فايز كردأوغلي ؟؟؟؟؟

وشكراً.....

الموضوع حلو وكلنا عم نتناقش بالهوا لأنو بحياتون ما رح يعملو مدارس مختلطة مع أني بأيد الفكرة بس انشالله بتتطبق بس مو بهالقرن
مع تحـــ رأفت ــــاتي

انا بأيد مدارس مختلطة بس لحنا بسورية (بلد متعصب )
واذا تم الامر رح يكون استفادة ايجابيا كتير اكتر من يكون سلبي
مع تحياتي k.l

معلش بس شو قصدك متعصب ؟؟؟؟؟؟؟؟
لسا مو شايف شي من التعصب قول الحمد الله
تحياتــ ميموــي

الحمد الله
تحياتي K.l

من الاراء السابقة تبين لي أن الموضوع ليس بالسهل أبدا ويحتاج إلى توعية وهو ضروري جدا لكسر الحاجز بين الجنسين

برأيي المدارس المختلطة شي كتير مهم وحلو بنفس الوقت وبعرف كتير رفقة الي بمدرسة المتفوقين يلي هيي مختلطة مبسوطين ومستفادين من هالاختلاط وكل واحد عندو رفيقتو شي جانبي ما ممكن انو يدايقها بشي
بس برجع وبقول قناعتي بكلشي بيتعلق بهالامور انو {{{{{ ترباية الشب او البنت هوي الأهممممممم}}}}}
لأن متل مامنلاحظ بدوراتنا الصيفية المختلطة انو كتيييييييير بيصير لغو وحكي من قبل الشباب على بنت معينة مع انهن بيقضوا سوا 3 شهور كفيلة انو تخليون يحسوا بعيب تصرفون ..........
يمكن ردي متأخر بس لفتني الموضوع
تحياتي للكل.........

شايفكو كلكون مع الاختلاط هي اول موضوع بيتفقوا علي شباب وصبايا منيح الخير لقدام
مشكورين

اي والله معك حق صديقي the crazy الكل متفق بهالموضوع واكييييد لسا الخير لقدام بوجود شباب وصبايا واعيين وبوجود منتدى متل منتدانا.......
تحياتي

شو مشان ملاحظة هل الشي مو هيك لكن يلي في (مصالح بتجي المنايح )
)عنجد صديقتي ام اللول المنتدى غير شوي من نمط حياتي وبكرا بتشوفي بس بدي اسأل منين نكشتي هل الوضوع
كان الموضوع قديم .
مشكورة

صح الموضوع قديم بس أنا صرلي زمان مادخلت عالمنتدى حتى اني غيرت اسمي لهيك لفتني وحبيت علق عليه.........

أنا مع وضد هلفكرة

شلون انت مع وضد هل فكرة ممكن تشرحا

تقبل مروري

هلق أنا مع الفكرة من جهة الدراسة و التدريس لأن الشب بيخجل يطلع مانو كاتب وظيفة أو مو حافظ درسو قدام بنت و الحكي بينطبق تماما ع البنت
أما أنا ضدا لأن في عالم ما بتخجل لا قدام شباب ولا بنات
وفي عالم عندا تفكير تاني يعني مابتعرف شو ممكن الشب يفكر تجاه البنت و العكس صحيح
هدا رأيي مو أكتر
thankyou