الحب والزواج والدين.......

سلام للجميع......
فكرت كتير قبل ما اطرح هالموضوع وانا هلق وانا عم اكتب لساتني مترددة شوي بس خلص رح قول:
شو رأيكون بالحب بين شخصين من دينين مختلفين وبرأيكون انو رح تنجح العلاقة بيناتون وبتزوجو ولا لا؟؟؟؟؟
وعلى فرض اتزوجو ممكن يكفو ولا يصير مشاكل اكبر من الحب تأدي للانفصال؟؟؟؟؟؟؟؟؟؟
واخيرا وليس اخرا سؤال لكل شخص اذا انتا اوانتي كان حبيبك بيوم من الايام من غير دين والاهل ما وافقوا وانت لازم تختار بين الاهل وبين الحبيب مين بتختار ولييييش؟؟؟؟
حبيت اطرح هالفكرة لان صايرة عم حس انو هالشغلة زايدة بهالفترة
بلكيت عن طريق منتدانا منقدر نلاقي شي طريقة تكون مفيدة للجميع حول هالموضوع
ملااااااااااااااااااااااااااااااااااااااااااااااااااااااااااحظة............
بتمنا من الكل ما حدا يفهمني غلط مشان هالموضوع حول الاديان او هيك شي بالعكس تماما الكل اخوة واللي بيجمعنا اكيد هوي هالوطن الغالي وبإذن الله ما في شي اكبر من هيك

الموضوع حلو كتييير وفكرتو جديدة رح ابدي وجهة نظري بس ما بعرف اذا صح ولا غلط((الحب بين شخصين من غير دين متل اي حب بين اي اتنين بس من ناحية نجاح العلاقة او لاء فهي فينا انحطا بخانة الظروف والاهل....واذا اتزوجو اكيد رح يكفو لانو بعد الزواج ما بتصور ضل في مشكلة..*هلق اذا كانت حبيبتي من غير دين واهلي ما وافقو فبحاول قدر الامكان اقنعون واذا ما وافقو فطبعا بختار اهلي لانو الحبيبة بتعوض بس الاهل لاء))
*مشكورة عا طرحك هالفكرة وطمني ما حدا رح يفهمك غلط لانو موضوعك عادي جدا.....

ما بعرف شو بدي احكي بس لمن شفت الموضوع انصدمت وانتي بتعرفي ليش
بالنسبة الي رح اختصر كل الحكي وقلك انو عندي الحب مقدس وبتخلى عن العالم كرمال الشخص اللي واثقة انو رح يكمل معي بقية حياتي بسعادي
هاد رأي مو اكتر
تحياتــ ميموــي

مشكورة كتير عالموضوع رأيي :
ما في بنت بتستاهل أنو الشب يخسر أهلو كرمالا و لا في شب بيستاهل أنو البنت تخسر أهلا كرمالو .
و اللي ما فيه خير لأهلو اللي ربوه و تعبو عليه ما فيه خير لحدا حتى لو كان بيموت فيه .
و في كتير شواهد بحياتنا بتأكد أنو هادا الحب ما رح يصمد قدام المصاعب اللي رح تواجهو مادياً أو اجتماعياً لأنو ما مننسى أنو دعم الأهل بهالحالة راح .
تقبلوا مني أجمل تحية

إذا كان الحب قوي جدا بين الاثنين فلازم يكبو كلشي ورا ضهرن وما يردو على حدي لأن الحب في النهاية رابطة مقدسة ويجب أن تحترم من قبل جميع الأديان

هلأ اصدقائي انتم تقولون هذا الكلام لانكم لم تتعرضو لمواجهة حقيقية مع الامر..ولكن ان فعلتم ماذا سيكون موقفكن..الاغلب انه سوف يتغير وخاصة ان كان حبا حقيقيا........
وكما قالت ميمو صدقا ان الحب شيئ مقدس......ولكن الاهل ايضا مقدسين ...
بس انا بهل حالة بختار اهلي كمان....ولاكن لن اتخلى عن محبوبتي( كصديقة) لان الصداقة الحقيقية اقوة من 1000 حب.. اكيد انو كل واحد اعلم باهلو فاذا كان متئكد انو نهاية هالتجربة رح تكون فاشلة..لشو لكن ليخوضها
تقبل مروري

هدا القرار بيرجع للشخص اذا كان قادر على العيش لوحدو مع الحبيب فلازم يكون قد قرارو
اصدقائي انا برأي وحسب ماشفتوا من كتيرر عالم بعرفون
معظم علاقات الحب مابتنجح وبتفشل يحصل زواج لكن
مؤقت .
تقبلوا مروري شكرا.

شكرا ع الموضوع و عفكرة كتير جريء بس حلو يعطيكي العافية
بصراحة أنا رأيي متل رأي ميمو لأن الحب هو أساس حياتي
وبصراحة أكتر بتمنى من أي شخصين بحبو بعضن ما يتزاعلو مشان شغلات سخيفة
و الأهم أنن يكونو متفقين ع كلشي و يكونو أراء الخاصة وما يدخلو حدا بحياتن
و النصيحة الأكبر ما يكون حدا من التنين بيعرف رفقات التاني<شباب وصبايا>
شكرا ع الموضوع
وبذكر أنو رأيي من رأي ميمو

بصراحة انا كان رأيي من رأي ميمو انو الواحد بيتخلى عن كلشي مشان يلي بيحبو بس اكتشفت انو هالشي مو صح أبدا
مافي أغلىمن الأهل ولا أغلى من انو الواحد يعيش برضا اهلو لأن لأهل مابيقسو عولادون بس ممكن بيوم من الايام يلي انا بحبو يقسى
وقتها بكون خسرت كلشي بس من منطلق {الحب والحبيب أولا}

انا رأي انو حلو الحب و التضحية
انا شخصيا ممكن اتخلا عن كل شي مشان الشخص يلي بحبو
بس طبعا اذا كان بيستاهل
يعني وقت اللي بتتحدا الدنيا مشان شخص واخر شي يتخلا عنك هالشخص بكل بساطة
فهالشي شو اسمو برأيكن؟؟؟
بتمنى اسمع رأي الكل
وشكرا كتيير