كلمة لطلاب الشهادة ....

مرحبا .... شباب قربت الامتحانات ..... وكترت النصائح و التوجيهات من كل مكان ... لدرجة إذا بتقلو لبياع الفول _ مع الاحترام للجميع _ أنك طالب بكلوريا ... بينهال عليك بالنصائح و المواعظ .....

لهيك أنا بعرف ... كطالب بكلوريا سابق ... وعايش التجربة قبلكن ...أنو كل واحد مجمع من أول السنة لهلق ... آلاف النصائح من هنا وهناك ... لهيك حابب أكتب بهادي المساهمة ونحن على بعد شهر من الامتحان ...مو نصيحة أو من باب (التفهمن)........ ولكن من تجربة شخصية....

بهادي الفترة يتسلل اليأس إلى قلوب الكثير ... شي لحقت وشي ما بلحق .... و الخاسر الأكبر و النادم الأكبر هوي يلي بحاول يهرب من المواجهه ... وبياخد متل مسكن موضعي ... وبقول خلص السنة الجاي ...... نصيحة يا شباب .... هلق موعد حصاد العلامات ... لا تيأس ... اشتغل بكل إصرار ... وحاول ابتعد عن كل المتخاذلين من الأصدقاء ..... مو مهم قديش ضيعت فرص أثناء السنة وقديش ضيعت وقت .... المهم هلق بهادي الفترة تحديدا قديش بتشتغل ... صدقوني آخر شهر ... + أيام الامتحان .... إلها الدور الأكبر بالعلامات ..و التحصيل ...

في الختام ... روح سخن ركوة القهوة ... وحضون كتابك ... وسكر الباب ...
و أطلق حماسك للعمل.. ......

عندي أكتر من صديق من طلاب البكالوريا حطـّو الانسحاب أمامون.
لأن كانو معتمدين على القطع بشكل كبير وبهالأوضاع يلي عم نمر فيها لاحظوا أنو ضاعت منهون أيام كتيري وصاروا عاجزين تماما ً عن تعويضها يعني باختصار والواحد يحكي كلمة حق دورة طلاب السني انظلموا كتير (يعني شوكان صار لو اتأجل الفحص شي اسبوعين مثلا ً منشان إعادة احياء بعض النفوس اليائسة)
والجو عنجد مانو جو دراسي أبدا ً يعني عم نشوف الكل بيكره بعضو وكل واحد بدو ينتقم من التاني والشاطر مين بيدبح خصمو بالأول والفضائيات ماعاد عندها غير رب سوريا يعني عنجد حاسين حالنا محاصرين نحنا وكتابنا (فكيف أهلنا بيطلبو منـّا ندرس؟؟؟؟؟؟؟؟)يعني بس اطلـّع بكتابي بتخيل صورة شيخ الفتنة(القرضاوي) وبس حط راسي عامخدة لنام شي ساعة ارتاح فيها عم شوف كوابيس كلها قتل ودبح ودم وبس افتح التلفزيون عم شوف كلاب عم ينبحوا ويخربوا حياتنا.
بس الله كبير ومارح ينسى هالزعران يلي خرّبوا بلدنا ودمروا هالسني.