بدهن إصلاح وحرية

لما نقول للناس إذا بدكن إصلاح ومكافحة فساد انطلقوا من أنفسكن بيقابلنا البعض بالضحك والمسخرة ويقولولنا كلام فاضي أو كلام حكومة .
طيب أخي المواطن :
لما بدك تطلع بالسرفيس مافي داعي تترك 3 ليرات وتقول للشوفير خليهن إلك
ولما بدك تروح عمطعم مافي داعي تترك الباقي من الفاتورة بإيد الكرسون
ولما بدك تروح تدفع فاتورة كهربا أو مي مافي داعي تترك ليرة او اتنين بإيد الموظف
ولما بدك تسرع معاملة إلك بالدولة مافي داعي ترشي الموظف والمسؤول
ولما تتجاوز الإشارة أو السرعة وأنت بسيارتك مافي داعي ترشي الشرطي مشان مايصورك أو ياخد نمرة سيارتك
ولما بدك تشوف البياع بالحارة غلا كيلو السكر 5 ليرات عساس سكر مصري وهو سوري مافي داعي تطنش وتقول مادخلني وماتروح تشكي عليه
ولما بتقول المعدلات الجامعية عالية والجامعة صارت حلم طيب ليش مابتحط عقلك براسك وتدرس
ولما تقول الأسعار صارت نار ليش مابتجرب تسأل شي حدا من قرايبنك عن الأسعار بدول تانية
ولما تقول الكهرباء والمي والمازوت أسعارن نار ليش مابتشوف اديش سعر كيلو الكهربا او ليتر المازوت بلبنان
لما بتقول بدك حرية وأنت ماتعرف شو معناتا فمثلا من مانعك تفوت عجامع أو عكنيسة أو عملهى ليلي
ولما تقول تروح سيران وتترك زبالتك محل ماكنت وتقول يلعمى شو هاالبلدية ماعم تشتغل
ولما تفتح محلك كيف ماكان ويكون ديكورو كيف ماكان وبضاعة مابتسوى ومقضاها دخان واركيلة وتقول السوق داقر
ولما بتترك المدرسة من السادس أو التاسع إذا كنت فهمان شوي وتقول والله مافي شغل
ولما بتكون مخلفلك 10 ولاد وبتقول ماعم لحق .
ولما بتكون فاتورة موبايلك 10000 ليرة بتقول يلعمى هالمكالمات أسعارها شو غالية
ولما بتكون تاجر ربحان كم ليرة ومبسوط ومعجب بدهائك وذكائك مابتقول هاد يلي كسبتو من الناس
ولما تخسر شوية مصاري بتقعد بتلعن حظك ودهاء غيرك وبتقول هاد يلي خسرك ياه الناس
طيب لييييييييييييييييييييييش ؟؟؟ الجواب عندك عزيزي المواطن !!!!!!!

بعد هالكلام بتوقع مو لازم تضحك عيلي عم يقلك انطلق بالإصلاح من حالك بالعكس لازم تضحك عحالك

كلام منطقي 100 بالمية وبيجننننن وانبرا لساني وأنا احكيه بس فالج لا تعالج يعني إذا نحنا ماعملنا هيك ؟؟؟
لا ووين بتكمل بس كل واحد يقول والله البلد ما بتصلح بتمنى اشنقو بإيدي
وأكتر نقطة أنا بنغاص منها هي الزبالة وقت واحد متل اللوح ما بيقدر يضل ماسك الوسخة مترين زيادة ليطها بسلة المهملات
ولا هاد يلي بيقطع الطريق وبيدوس عالعشب وبيكون ممر المشاة مو معيطلو عنجد شي بيجلط.........عنجد في عالم ما بيلبقلا الحضارة
موضوع بيجنن وأبعادو واسعة كتير
يا رب ............

ولك يا ريت لو اكتفوا بكلمة حرية بس للأسف حجزوا حريتنا نحنا كمان

والله كأنك بقلبي يا
شبل_الأسد

.