أسئلة بتموت باللهجة السورية

اسئلة بتموت ( باللهجة السورية



*متسطح بتختك ونايم ومطفي الضو ومتغطي بالبطانية بيجي واحد من أهلك بيفتح الباب ويقول :


شو نايم ؟؟*


*لأ !! عم ارقص.. بس الوضع بيوحي إني نايم*


**





*معزومين ع بيت جماعة، ولما بتدقوا الباب .. بيفتح شي فهمان وبيقول بدهشة:هه


إجيتوا ؟؟؟*


*لا والله لساتنا عالطريق، في عجقة بشارع بغداد*


**





*لابس أحلى أواعيك ومتعطّر وشايل مفاتيح السيارة وجزدانك ورايح لبرات البيت،


بيجي*


* حدا من أهلك بيسألك، شو رايحلك شي مشوار !!؟؟*


*لا والله طالع عالأسطوح صلّح صحن الديجتال*


**


*حامل سماعة التلفون وعم تبلش تدق بالأرقام، بيجيك عنصر مفاجئ من أهلك وعلى


وجهه علائم الإستغراب والدهشة: بدك تحكي بالتلفون؟*


*لأ شو إحكي !!! بس كنت عم جرب *


صوت طنة الأرقام **





*حاطت راسك ونازل بهالكتب والدراسة، بيجي أبوك أو امك...: عم تدرس؟*


*لا والله ...!! عم غير زيت للسيارة*


**


*مذيعة بيوم العيد عم تلف بالشوارع وتلطي ع كم مواطن وتسأل وبنفس الوقت هي


بتجاوب: شو بتساوي اول يوم العيد ؟ أكيد بتروح بتزور الأهل والقرايب *


*لا والله بالعادة بفكر العب شدة وماروح لعندهم *





**





*بتطلع بميكرو وبتحط هيك وبتطلع (خمسة)وبتعطيها للي ئدامك، وبكل برودة


بيئلك: واحد ؟*


*لأ 60 واحد ؟ ورجعلي الباقي **





*أشّر بأصبعته الكريمة لت**ي، وفعلاً وقفلو العينتين، بيسأله: فاضي؟*


*لأ ... عندي 10 طلبيات، بس وقفت حيونة*


**





*بدك تنزل من الميكرو: عاليمين زكاتك.... بتتلقى الرد: نازل ؟؟*


*لا والله بس عم جرب صوتي*

هاد واقعنا ونحنا عايشينو ومبسوطين وما منحس بتقل هاي الاسئلة وأغلب الاحيان نحنا منستخدما بأنفسنا
بس فعلا نحنا لغتنا بتمووووووت بتعرفو حلوي كتير
تحياتــ ميمو ــي

هههههههه قوية !

ههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه
حلوين اوي
مشكورررررررررررر
تحياتي k.l

مشكوووووور كتير ع الموضوع الجميل..
بس صديقي هاد الموضوع مطروح من قبل بالمنتدى تحت عنوان..اسئلة غبية كلنا ممكن نتعرضلها..
بس ع كل حال مشكور....
تحيــــsamooـــاتي

مشكور خيي واذا الموضوع متكرر معلش بس هي اسئلي بتموت باللهجي السوريي؟؟؟؟؟؟
هههههه
مشكوريين