ماذا تذكر من مواقف

هههههههه
مرة كنت عم دخن بالحمام أنا و رفيقي فأجت كبسة المدير و الموجه أبو شادي...

الكل هرب و أنا ماني منتبه
وقفوني عند حيط الحمام و الباكيت و القداحة بجيبتي

سألني المدير شو عم تساوي جوا قلتلو عم أقضي حاجة

فتشني قدام المدرسة كلا و ما لقا معي شي و بعد ما راح فرطت ضحك

ومرة لقطني قدام الباب عند حنفيات المي

فشحطني السيد المدير لعندو

قلي طلاع جيب غراض لنفصلك شي يومين تلاتة

قلتلو اي ولله يا أستاذ أنا بحاجة نقاهة أنا تعبان كتير

قام عصب كتير وبطل يفصلني

أيام لاتنسى بثانوية الفارابي

مع احترامي الكبير لمدير ثانوية الفارابي الأستاذ
محمد شحود

thankyou

انا مرة كان عنا حصة فلسفة و كانت عنا حصة الفلسفي حصة فراغ و لسا كانت اول المدرسي و كنت انا و رفيقي عم نطوط و نعيط و كنت انا قاعد ع الدرج و عم نضحك بفوتت الاستاذ ابو شادي و انا و كان جنبي رفيقي مانا منتبهين الله لا يورجيكون شو صار فيي و قتا
اول شي اكلت طيارة ع رقبتي (هي الرسبشن )و طلّعنا الاستاذ ابو شادي لعندو ع الغرفي و وقتا انا قلت خلص انفصلنا
بس اجا استاذ الفلسفي و تواصتلنا عند الموجه لحتا نفدنا
ومرة كمان كنا بحصة الرياضة اجت طلعت الطابي برا المدرسي و طلع رفيقي ع الحيط منشان يجيبا اجا و هوي نازل ووصل بنص الحيط و كنا ماسكينو شي تلاتي فلتناه كلنا بنفس اللحظة اجا وقع اجا قاعد اجينا قلنا خلص راح الصبي اجينا بدنا نشيلو و نوقفو ما عد نغضر ع قد ما كنا غشيانين من الضحك.
تحياتي للجميع

أنا أكتر شي بتذكروا هو الاستاذ محمد شحود.
يعني شعبتنا كانت كتير مشاغبة فلما بيفوت الموجه مابيقدر يوقف الفوضى إلا بعد شي 5 دقايق من العياط والبهادل أما الاستاذ محمد شحود فبالحظة يلي كان ينظر فيها عالصف بيقعد الكل أوادم وماحدا بيسترجي يحكي ولا حرف.
فأنا مرّة كنت عم شاغب فشفت كل الطلاب بلحظة وحدة قعدوا بأماكنون أما أنا فكنت داير ضهري عالباب وضليت عم شاغب وما بشوف إلا الاستاذ محمد شحود حاطط إيدو على كتفي وسحبني معو على غرفة الموجه وبعد ماشاف الاستاذ محمد شحود وجهي شي يصير أحمر شي أزرق سامحني ومن وقتا لهلق أنا ما بسترجي قوم من مقعدي إلا بوقت الفرصة.

احلى شي هي الصور الي كنا ناخدها بالسرقة نحنا والشلة...خخخخخخخخ

صار عنا لكل استاذ فديو....صحي صار ملقوط الموبايل شي600 مرة هههه بس بجد حلو المغامرة

احلى موقف صار معي : وقت فرصة ودائما وقت بتخلص فرصة بحب ادخل عل صف اخر واحد وكل مرة بشوفني جودت وبقلي ( ابني صرماي وقت بدق جرس انت اول واحد بتفوت عل صف ) وبقلوا اي ودائما بفوت اخر واحد
ومرة لحقني ومعوا عصاي بل باحة وانا اركض وهو يركض وانا اركض وهو يركض وانا اركض وهو يركض وانا اركض وهو يركض وانا اركض وهو يركض وانا اركض وهو يركض بل اخير مسكني وأكلت 10 عصايات

الله مواقف رائعة ياشباب
عنجد الله يعين الأساتذة عليكون
أما أنا ماكان يمرق يوم أو حصة بلا ما آكل بهدلة من الآنسة ع كتر ما كنت شاغب واحكي
وكنت دائما أسأل الأساتذة أسئلة تعجيزية لحتى يعصبو وكانو أحيانا ينادو للموجهة بس مستحيل وصل لشطارتكون

أنا طول عمري آدمي وبعمري ماسئت لحدا من الأساتذة بس في موقفين انظلمت فيهن كتير ولهلأ ذاكرهن منيح
الموقف الاول : مرة كنت طالع من الفرصة فلقيت عالدرج شريط تثبيت الشبابيك هاد يلي بيتلزق بالتيكو فبيشوفو الموجه معي فبياخدني عالمدير وبيتهموني انو انا شلتو من الشباك وهددوني بس ينكسر الشباك رح اتغرم بحقو .
الموقف التاني : بالشعبة السابعة في طلاب نزعو اللوح الجديد فكان في شب محموق مني تهمني انا مشان يجاكرني وعطا اسمي للاستاذ جمال فراح الاستاذ جمال وعطا اسمي للمدير والحمد الله المدير طلع بيعرفني وتأكد انو مستحيل ساوي هيك عملة
طبعا هالشي قبل مايعرفني الاستاذ جمال