موضوع الامتحانات للنقاش

[size=24]أصدقائي أعضاء المنتدى
نطرح اليوم موضوعاً هاماً جداً وهو الامتحانات النهائية
نرجو من الجميع أن يبدو رأهم بهذه الأسئلة من حيث شموليتها منطقيتها موافقتها لزمن الامتحان
فكل الأفكار التي تطرح يمكن أن تسهم في تطوير الامتحانات مستقبلاً
أكتبو ما تريدون بكل شفافية[/size]

يا ريت فيني شارك بالرأي بس انا مو معكن بالمدرسة بس قدمت امتحان الفيزيا معكن بما انو كانت الاسئلي من التربية
برأيي أسئلة سهلة جدا وبتنحل بنصف الوقت صح احيانا بتجي اسئلي مدري من وين بس هالمرة كانت معقولي
مشكورين ع طرح الموضوع بالتوفيق
ناطرين رد الجميع
تحياتــ ميموــي

أنا ما بدي أحكي بموضوع الامتحانات لأني بجد مصدوم بيلي صار معي
و هادا كان أسوء فحص بالنسبي إلي و مع إني درست بشكل مو طبيعي و قبل الفحص ما كنت نام
بس وين الغلط ما بعرف
يا أما ال20 استاذ بالمدرسي يا أما من 300 طالب الحادي عشر ......

عنجد انا مع العضو zeitgeist لأني عنجد هاد الفصل درست كتير منيح وخصوصي بالقطع مع أنو ظروفي كانت صعبة شوي رح احكي بس عالمواد العلمية بالنسبة للفيزيا كانت كتير سهلة والحمد الله قدمت كتير منيح اما الرياضيات واللي عنجد ما عاد عم اعرف كيف اتعامل معا لانو درستا درستا درستا درستا كتير وكنت فهماني كلشي وآخر شي بخربط بمسألة الفراغية ليش الله وحدو بيعرف أما الكيميا كمان اتخيلو إني مخربطة بالعمليات الحسابية وبأميع سؤال وأسهل سؤال أما العلوم واللي كمان بعد دراسة تفصيلية وطويلة وإعادة اكتشفت أنو عنجد العلوم صعب وبدو دراسة كتيييييييييييييييييييييير عنجد
حكيت كتير ووجعتلكون راسكون
مشكور كتير عالموضوع

انا بالقطع ما درست كتير بس قبل كل فحص كنت ادرس وحط عقلي براسي والأسئلة كتير سهلة بشكل عام بس بالرياضيات صعبة وطولة ومش متوقعة نهائيا وبالكيمياء صار في خطأ بالأرقام ورجعو الطلاب اتعذبو من اول وجديد وماعطوهم وقت غير ساعة ونص وهاد الشي اثر على الطلاب المتفوقين
شكرا إلكن عالمنتدى الرائع