قضـيـة تحـتاج لنقاش جاد

قررت فتاة ان تدخل إلى عالم النت فقررت ان تسجل وتكتب في المنتديات ولحرصها سجلت بسم رجل حتى ماتتعرض للمضايقات ,استمرت باسمها المذكّر لفتره فاحترمها الجميع واحترمت الجميع واحبوها واحبتهم ,خلال فترة تواجدها كان احد الاعضاء يتخذ اسلوب النصح ومن ردوده كان ذا اخلاق ومعروف,فكانت بينها وبينه رسائل بالمنتدى وفي احد الرسائل كشفت له انها بنت ثقة فيه وباخلاقه فطلب ان تثبت له صدقها
واثبتت له صدقها بعدة طرق وقالت له اسمها واسم عائلتها , لكنها لم تكن تعلم ان تلك الاخلاق ونصحه قناع مزيف يلبسه .فاستغل تلك المعلومات للضغط عليها والتحكم بتصرفاتها وتهديدها بان يكشفها ويذكر اسمها لجميع الاعضاء فمن خوفها اصبحت تطيعه فتخرج من المنتدى متى ماطلب منها الخروج وتعود للمنتدى بأمره .
وبعد فترةانكشف عنه وعن زيف اخلاقه لاكثر الاعضاء فاصبح مكروه فاجبرها ان تحذوا حذوه حتى استغرب الجميع انقلاب حالها واخلاقها . فهي لا ترد الا كما يريد ولا ترد الا على المواضيع التي يريد حتي انها يمنعها من دخول بعض الاقسام.
وبالاخير امرها ان تدخل بسم بنت وفعلت ماأمرها به ولكنه بين فتره واخري يلمح بالردود عليها بسم عائلتها كرسالة تهديد منه .
اتمنى من الجميع ان يناقش الموضوع بضمير وصدق فممكن تكوني انتي اختي غداً بنفس المشكله او تكون اخي الكريم اختك او قريبه لك بنفس المشكله .

هل مافعلته البنت بدخولها بسم رجل خطأ؟

هل مافعله ذالك الشخص يمت للانسانيه والرجوله بشي ؟

ماهو الحل بنظركم لهذه المشكله؟

وجه رساله لذالك الشخص؟

صديقي العزيز عمار أول شي بشكرك كتييييييييييير ع الموضوع الحلو و المهم
تانيا:ردي ع أول سؤال الي هوي اذا تصرفا خأ أو صح فبرأيي انو تصرفا فيه شي صغير من الصحة و شي كبير من الخطأ لانو نهاية الكذب هيك و بعدين هيي وين ثقتا بحالا و وين عقلا لحتا تفوت بصفة رجل و بعدين ليش لحتا تعترف لحدا تعرفتلو ع النت و يمكن لسا مانا شايفتو و لا مرة أكيد في حق عليا بس يمكن هالشي من طيبة قلبا و بتكون قصدا مانو شيء.
أما منشان السؤال التاني فأكيد تصرف الشب هوي تصرف خارج عن كل شي اسمو ضمير او أخلاق أو انسانيي.
و السؤال التاني صعب شوي لانو ما بنعرف طبيعة المعلومات الي عطيتو ياها بس برأيي تخليه يبلط البحر و تعترف هيي للاعضاء بالمنتدى قبلو لانو اذا اعترفت هيي بتنلام شوي بس مو متل اللوم الي بيوقع عليا لما هوي بيفضحا
والسؤال التالت أسهل شي لانو الرد لهداك الانسان انو انا بنصحو يدور ع شي دكتور نفسي يعالجو لانو أكيد هوي مريض نفسي
واكيد وهاد الشي مفروغ منو انو هوي بلا دين أو أخلاق وما بيعرف شو كلمة ضمير
تحياتي

قصة مؤثرة
بس برأيي البنت ما كان لازم تتدخل باسم شب
كان فيا تدخل باسم بنت و موضروري يكون أسما الحقيقي

بالنسبة للشخص مانو زلمة لأن الزلم ما بيستفزو و مابيقهرو بنت ومشان شغلة مالا قيمة
رسالتي للشخص:
انت واحد مافيك شرف ولله لو وقعت بين أيدي لفرجيك انو بنات العالم مو لعبة بين ايديك يا....

thankyou

صديقي عمار شكرا كتير عهالموضوع الحلو ويلي كتير منتشر
أول شي البنت مالازم تدخل باسم شب لان مافي مبرر وكان فيا تدخل باسم وهمي
وتاني شي غلط منها انو طاوعيتو وصارت تعمل يلي بدو ياه بس مشان مايفضحا
اي ويفضحا؟؟؟؟؟؟؟؟؟؟؟؟شو يعني؟يقول اسما ويبلط البحر متل ماقال صديق قبلي
بالنهاية هيي ماعملت شي بيدعي انو تخاف كل هالخوف هاد حسب حكيك طبعا انو عطيتو بس اسمها
وبالنهاية يلي اتصرف هالتصرف بلا شرف ولا أخلاق أصلا مان انسان ابدا واعذروني من هالكلة بس بنصحو يحط حالو بحاوية زبالة لأن هاد انسب مكان لواحد متلو

مظبوط الخطأ من البنت لأن لأن مافي امان على النت
ويمكن تشوف أأمن البشر ويمكن تشوف أقذر البشر
مشكور ابوعمير على الموضوع

شكرا أصدقائي على المساهمات اللي عم تقدمووا
ترقبوا المزيد تحياتـ عمارـي

انا برأيي ببساطة تبطل تفوت ع المنتدى......
لان ما بعتقد هالشب معو ه الادانات الخطيرة ع البنت..
وإذا كان معو فسمحولي ئول انو هاد غباء من البنت..

ومشان سؤالكن انو البنت غلطت بامتحانها لاسم شب...فما بعتقد جريمتها كبيرة لان متل ما ذكر صديقنا باول موضوعو(ولحرصها سجلت بسم رجل حتى ماتتعرض للمضايقات)
تقبل مروري......

انا برأي مافي اي غلط ع البنت لأنو ولو دخلت باسم شب وبعدين اعترفت لواحد من الأعضاء انو هي بنت ولو حكت عن اسمها واسم عيلتها وشو هي يفضحها ما يفضحها ليش اساسا هوي شو بيعرف غير اسم عيلتها واسمها يعني ولو بده يحكي لمين بده يحكي اذا هوي مابيعرف قرايبينها لنفرض انو ممكن يساويلها مشاكل مابيعرف حدى لحتى يحكيلو
ولا بيقدر يوصلها اساسا فبصراحة انا مستغربة هي من شو خافت وليش صارت تطاوعه باللي عم يقلها اياه وانا براي البنت مابتخاف من شي إلا اذا كانت عاملته عن جد
يعني بصراحة اكتر يمكن يكون بيعرف اشياء عنها اكتر من هيك وصار يهددها لحتى طاوعته
واذا كان الشب بيعرف شي فاسمحولي قول هي البنت -------------

مشكور