بس شريبة المتة يدخلو ويلي ما بيشرب راحت عليه

مصطلحات عند شريبة المتة الأصليين الغير مقلدين المخلصين لهذا المشروب الروحي المتة
المتة وما أدراك ما المتة
المتة يوم تأتي متعباً تجد المتة سبيلاً لراحتك
المتة تجمع الاحباء وتقرب القلوب
وكم كانت المتة سبباً في لقاء طرفين وانتهت علاقتهم بالزواج
المتة قبل النوم وبعد النوم
المتة
المتة
آآآآآآآآآآآآآآآآآآآآآه عالمتة

تمنياتي لكم بشفطة لذيذة ورعشة ممتعة
واللي ما بيشرب متة راحت عليه


بدي أجي أشرب كاسة متة عندك: يعني جاي لعندك مشوار.

عازمك عكاسة متة: عازمك لعندي.

هالحديث بدو كاسة متة: يعني ما بينقال عالواقف أو عالتلفون, بدو قعدة.

بتتخيلي كاسة المتة هون؟: يعني المنطقة جميلة جدا.

حزور وين شربت متة؟: تدل على غرابة مكان زرته.

حزور مع مين شربت متة؟: قعدت مع واحد ما رح تتوقعو أبدا.

ياما شربان معو متة: كنت صاحبو لهداك الشب (و بتنقال لما الشب التاني بتعلا مراكزو)

سخنو: أنا جاييك عالطريق.

نقاع: يعني تخلى عن رزانتك و شاركنا أطراف الحديث.

لسا ما قطعت كاستك: بتنقال اذا ضيفك بدو يروح و ما طول بالقعدة.

بدنا نجدد: قعدتنا مطولة.

جددنا تلت مرات: يعني الزلمة طول عندي.

قطعت كاستو و ما كنت جددلو: دبقني الأخ و حاولت قحطلو.

ما كنت سخن الأبريق: تعمل عمل سابقتها.

مركزا لحالي: يعني حاطط كاسة متة و قاعد لحالي قعدة رواق.

حزور شو نسينا؟: يعني ما جبنا الأبريق (لما منكون بسيران)

طيبة هلق كاسة المتة: بتنقال بعد أي شي بيعملو الطرطوسي و بالأخص بعد أكلة دسمة, أو لما تشتي الدني.

بدا كاسة متة: الشغلة بدا تركيز.

ما بيشرب متة: مقت.

قاعد و حاطط كاسة متة قدامو: طايلة قعدتو (بتنقال اذا ناطر حدا)

قاعد مأشرب متة: مو ماعمل شي (اذا انسألت شو متعمل)

ما شربتنا متة: ما كانت ضيافتك منيحة (بتنقال عسيبيل المزحة)

ما شربنا متة: ما كانت ضيافتو منيحة (بتنقال بجدية)

شبك؟! بدنا نشرب متة: لا تقلي رايح.

يلا بشرب كاستين: ما رح خجلك, بس عنجد أنا مستعجل.

منشرب متة بالأول ولا مناكل و منشرب متة؟: تنظيم وقت السيران.

انقالت بقعدة متة: ضعيفة المصداقية
وبتمنى تنال إعجابكم.
وشكراً

مشكور يا باشا
تحياتي

شكرا اخي

أحلى شي هي لانو بتلبق على مواد البكلوريا العلمي
مع اني ما بشرب متة بس هيك بسمع

بدا كاسة متة: الشغلة بدا تركيز.

عزيزي (AL-ESKANDER AL-MAQDONE) اسمح لي بإضافة مصطلح آخر يتعلق بالمتة:
إذا قال لك أحد والداك: رح حطلـّك ابريق المتة عالغاز (هنون مو عم يكرموك ويريحوك هنون بيقصدو :روح قعود عطاولتك ودروس و رح نجبلك المتة لعندك).

مشكورين
بس اشربو المتي الخشني نازلي جديد احسن من المتي القديمي
مشكورين