ليييش تقليل المعنويات؟؟؟؟؟؟؟

مسا الخير أصدقائي.......
انا طالبة بكالوريا علمي وشي أكيد رح شوف ضغط كبير من أهلي مشان الدراسة وهاد الشي الطبيعي لكل مين بيخاف عابنو أو بنتو بس؟؟؟؟؟؟؟؟؟؟؟؟

ليش الأهل او مابعرف يمكن بس اهلي بيضلوا يحسسوني انو مقصرة ومقصرة ومقصرة ويمكن بحياتي مابجيب علامة مع انو علاماتي والحمدلله ممتازة
هلأ مرة سمعتون عميقولوا انو تصرفون هاد مشان انا ضل حس بالذنب وادرس أكتر وأكتر بس مو عرفانين أديش حكيون عميأثر عنفسيتي لك حتى صايرة عمشك بحالي عغير عادتي وبعرف أكيد انو هالشي غلط
بس شو ساااااااوي؟؟؟؟؟؟؟؟؟؟؟؟؟؟؟؟؟؟؟
عنجد بتمنى لكل مين رح يقرا هالموضوع يعطيني رأيو لأن عمحس بشعور الفشل حتى مع كل ساعات الدراسة يلي عمأدرسا.....
مشكووووريييين

ام اللول مو بس اهلك كل الاهالي هيك بس على الفكرة بحسّ طريقة بتخلينا نقرأ اكترررر ومتعودين على هل الشي لا نو نحنِ مو من ب(رغاريا )بلغاريا
شكرا الك

اكيد صديقي متعودين أصلا اذا مامنسمع تعليقات الاهل شي نهار منستغرب وكأنو صار شي بالدنيا بس هالاسلوب غلط وخاصة وقت بتوصل لمرحلة انك بتحس حالك ماعمتعمل شي.......

انا معك غلط
شو فينا نعمل
حسب الاهالي في اهالي بتّقدر وفي اهالي مابتّقدر شو مابتعمل بضل مقصرة هي احد مشاكل مجتمعنا الكثيرييييييييييييييييييييييييييييييييييييييييييي
مشكورة

متل ماقال الصديق ساهر الليل
هدا رأيي
الضغط موبس عليكي صديقتنا
هلق أنا مثلا عم عيد البكلوريا
أهلي ضغطو علي بس مو متل هديك السنة لان هديك السنة غلطو معي أكبر غلط
thankyou

أنا حاسس ما رح يجيب آخرتي غير ضغط أهلي ,,
بس أنا اللي مريحني أنو رفقاتي كلن شاطرين
وما في بيناتن أي واحد بشدني لورا
يعني المحيط اللي عايش في كلو ممكن أستفيد منو
لهيك أنا برأيي أنو بس تعرفي مين تختاري من رفقاتك
وأكيد إذا متل ما عم تقولي علاماتك عالية معناتا منظمة وقتك منيح ,,
بس أكيد الأهل بيعرفوا شغلات نحنا ما منعرفا
لذلك لازم نمشي متل ما بدن هالسنة
والله يستر من هالسنة ,,
وبالتوفيق للجميع

صح أصدقائي كلنا هيك ومنعرف انو الاهل عصواب بس يعني اوقات الواحد بتتأزم نفسيتو
بس أكيد نحنا قدهاااااااااااا وقدوووووود باذن الله
مو هيك شباب وصبايا؟؟؟؟؟؟؟؟؟؟؟؟؟؟؟؟؟؟؟؟؟
مشكورين كتير

اهلا اهلا ام اللول زمان ما شفنا مشاركاتك هاد دليل انك عم تدرسي برابو(ها ها ها ها)
انا هاد الموضوع كنت عاني منو السنة الماضية بس لان ما كنت ادرس بس السنة شادة الهمة ومن أول السنة وصيت اهلي انو يلي بدو يقلي اومي ادرسي رح يخليني اتلها بزيادة
بس اكيد اهالينا مو قصدون شي وبدون مصلحتنا وانو ما نضيع وقت
فأنا من وجهة نظري بنصحك تتحملي هالسنة بيعينك الله
موفقة يارب

الى الصديقة لانا أنا هلق بالصف العاشر يعني5 أو 6 ساعات دراسي باليوم بيكفي هاد برايي و براي اي طالب غيري بس برأي الأهل الطالب لازم ما يترك الكتاب يعني 24على24 لهيك لاتزعلي و لاتفكري كتير و حاولي تزيدي ثقتك بنفسك لانو طول ما ثقتك بنفسك كبيري ما في شي بيهزك
(يا جبل ما بيهزك ريح)
ونصيحة من أخ لا تحاولي تزعجي حالك لانو انتي الخسراني
واكبرمثال أنا لما كنت بالصف التاسع من كتر ضغط أهلي عليي صرت قصدا ما ادرس و تحولت من أشطر طالب بالمدرسي لطالب عادي يعني الي كنت سابقوبمسافي كبيري لحقني و سبقني و بتمنى من كل قلبي ما يصير معك هيك
موفقة و انسالله ببتحققي الي ببالك
تقبلي مروري
مع تحياتي THE PRINCE

صديقتي بما انك على علم بمخطط اهلك..فادرسي منك لحالك واستريحي لحالك ضمن الحدود..ولا تنطري ليئولولك فوتي درسي...وهيك بشوفوكي منك لحالك عم تدرسي ف بعتقادي رح يخفو عنك شوي...
بس انتي حاولتي تحكي معون بخصوص هالموضوع؟؟؟
جربي حكيكي وعالاغلب يفهموكي...

تحيــــsamooــــاتي

رأيي بالنسبي لهيك موضوع

((((طنش تعش .... تنتعش)))))

اهلا snowy girl وشكرا عالاطراء وعرأيك الحلو
أصدقائي انا كتيرحكيت بالموضوع بس اتصوروا انو اذا بكون صرلي شي 5 ساعات عمادرس وبيجي شي حدا لعندنا وبيسألني قدام اهلي شو عمتدرسي منيح فبيجوا اهلي بكل ثقة وقوة.......{{{{{{{{{لا والله مو زيادة }}}}}}}}}}}}}فهون بتحس عقلك طار
بس بسيطة متل ماقلتلكون متعودين وشي طبيعي
مشكورين