جاوب بصراحة تامة

شباب وصبايا كيفكون؟؟؟؟؟؟؟
بدي اسأل سؤال وبتمنى الكل يجاوب والأهم بصراحة والأكتر أهمية إنو يكون راضي عن جوابو.......
شو رأيك بحالك؟أول شي سلبيات بعدين إجابيات؟وشو أهم درس اتعلمتو بحياتك لحد هلق؟؟؟؟؟؟؟؟؟؟
مشكورين
انشا الله بس افتح المرة الجاي لاقي ردود لأن حاسي ما في حدا هون

لا ولو انا هون
أولا : رأيى بحالى ( يا ريت لو اقدر غير شوية شغلات وعدا ذلك أنا رضيانة عنى حالى )
ثانيا : السلبيات ( بفكر بكل شى وعلى طول بالى مشغول ولو ما فى شى يشغلنى بحاول اشغل حالى بأى شى يعنى بتمنى لو ارتاح شوى من التفكير بكل الناس )
ثالثا : الإيجابيات ( ما بقدر احكم على حالى شو فينى إيجابيات لازم شى حدا بيعرفنى يحكم على )

وأخيرا : أهم درس .... لا تأمن لحد بحياتك كلها اصلا ما حدا بيستاهل

رأيي بحالي :لهلق ماأخدت الشي يلي بستاهلو بس بتوقع احصل عليه السنة الجاي.
سلبيات : تأجيل أعمالي وأموري يمكن بسبب الكسل.
إيجابيات : الأخطاء يلي عم ارتكبها بكون مصر جدا ً جدا على تصليحها بشكل كامل.
أهم درس : إذا تراخيت بعملك يوم واحد فأنت شخص فاشل يعني (لا تؤجل عمل اليوم إلى الغد).

رأيي بحالي : دايما مو راضي عحالي وبحب كون احسن بس مابقدر غير شي جذري
سلبيات : بنام كتير وبقعد عالنت بالساعات لهيك الام المفاصل بتضل مرافقتني
إيجابيات : الكل بيعرف كرامتي أغلى ماعندي وماعندي كبير بعد الله
أهم درس : الإنسان بلا تنظيم وقت متل الححححححح ولا بلاها