التلطيش حسب الدراسة

من طرف **king of spring** السبت أبريل 30, 2011 9:12 pm

عيونك دوخوني ........................................ طالب كلية طب - قسم عينية

دخيل أمك على هالخلفة..........................طالب كلية طب - قسم نسائية وتوليد

أما طالب كلية الشريعة .....

سبحان الخلاق الذي لا يموت .. الله اكبر الله اكبر

عازمك على الحج و إذا فقست منروح على المسبح

الله لا يفرق بيناتكم تتجوزوني انتو الاربعة .. اي والله الشرع ما بيحكي شي

تمشي على رمشي .......................... طالب كلية الرياضة - قسم الحمية والريجيم

وعندك طالب كلية الجغرافيا - قسم الجيولوجيا وعلوم الأرض :

يا أرض احفظي ما عليك

ولي على بعضي هي اول مرة بشوف قمر ماشي على الارض

يا ريتني علكة ين اسنانك ...

يقبروني هالسنان متل صف اللولو .......... طالب بكلية طب الاسنان

يلي باعك أوعى تشتريه..

كرمالك الغالي بيرخصلك .............. طالب كلية الاقتصاد قسم التسويق والمبيعات

يجعل أمك حماتي.....

ويا ريت اخوك خال اولادي............. طالب كلية اقتصاد- قسم علاقات عامة وتخطيط

ما يبلى وما يتخ .....

شو رخصان اللحم ولاّ غليان القماش.......... طالب كلية الصناعة- قسم الغزل والنسيج

نورك ولا نور الكهربا ...

تقبريني,

اول ما شفتك حسيت بالكهربا عم تمشي بعروقي.......... طالب هندسة كهربائية

صباحك ولا صباح الهنا ...

اي والله حقك ترفسي القمر وتعدي محلو وتلفي رجل على رجل....

شو رايك نقضي الشتوية سوا ....

هادا أكيد طالب كلية جغرافيا - قسم ارصاد جوية

شو رأيك تكوني جولييت وأنا روميو

أو شو رأيك تكوني ليلى وأنا قيس

صحيح متل ما قال شكسبير: " تقبريني ما أحلاكي "

...............................................طالب معهد الفنون المسرحية والتمثيل.

تهدي على خدي

شو هالشفايف ...

شو هالخدود ...

يقبرني هالانف ................... طالب كلية طب - قسم جراحة تجميلية

دخيل هالطلة أنا ...

يقبرني هالموديل الأحلى من اللانسر

والله تمك أحلى من اشطمان الشفرولييه

شو بدي احكي عن هالعيون ... فشرت ال BMW

والله العظيم عليكي غمازات بشلّو .. أكتر من غمازات التويوتا ...

أكيد هادا طالب ميكانيك – قسم سيارات و آليات ثقيلة

هالو .. هاور يو ...

نشالله فاين ..

اوك .. اورايت

شو هالفيس الوندرفول ..

وات اباوت فنجان كوفي توجيزر ..

ما بدها اتنين يحكوا فيها .. مبينة ... طالب بكلية الاداب - لغة انكليزي