حمصي وبس والباقي خس.......

مع فائق احترامي للشعب الحمصي ويلي انا منهم بس النكات بتضل بتلاحقهم يعني شي متل الاسم يعني حمصي لازم يكون في يوم اربعاء ونكته جديده ويوم جديد مليئ بالضحك واليكم اليوم بعض هالنكات ويلي بتمنى تنال اعجابكم
مره اجتمعو اهل حمص وقررو انهم يجمعو كل نكتهم ويرموها بالبحر وفعلا عملو هيك وتاني يوم رجعو لقو السمك بالبحر طايف على وجه الماء وفارط من الضحك على نكتهم؟


ومره في باحثه شاميه اجت تعمل بحث عن اهل حمص انهم بيضحكو وهيك شي ضلت 30 يوم وما كانت تشوف شي من هالشي وقررت تسافر ولمن دخلت على بياع حلويات بالكراج قالتلو حطلي شي 20 كيلو ونتظرت كتير فقالتو شو صار معك قلها يا انسه ما حكيتي بدك تاكليهم هون ولا تاخديهم معك


ومره في واحد حمصي بالشام دخل محل ادوات منزليه وقال لصاحب المحل بكم هالغساله فقالو روح عمو ما منبيع حماصنه اندهش هاد بس عجبتو هالغساله رج تاني مره بعد ما غير شكلو وقلو بكم هالغساله قلو عمو روح ما منبيع حماصنه اندهش اكتر فقالو لصاحب المحل حكيلي كيف عرفت اني حمصي من دوون ما اذكر انا فقالو لانو هاد براد مو غساله


واحد حمصي ركب باص ولما مشي الباص طالع راسو من الشباك وصار يضحك والناس تطلع فيه وكل ما بيطالع راسو وبيرجع بيفرط من الضحك سالوه ليش عم تضحك قال : شوفو الدولاب الوراني شق حالو وما عم يلحق الدولاب القدماني

في واحد حمصي عم بيموت فقال لولده يا ولدي رح وصيك وصيه قلو شو هيي بابا قلو لا تحكي للناس اني متت بمرض السرطان قلهم بالايدز الولد جن قلو ليش بابا قلو هاي خطه عشان ما حد يتجوز امك من بعدي


في وحده بنت تجوزت مكنسيان حمصي يعني مصلح سيارات بعد فتره رجعت عالبيت بدها تتطلق فقالتلها امها ولك ليش لك بنتي قالتها البنت مبارح جبنا سرير جديد وقام نام تحتو


ومره في واحد حمصي عم يدرس بالغرب اتصل مع والده وقلو مرحبا بابا انا تجوزت واجاني ايدز فقال الوالد لاانتي ابني ولا بعرفك ليش ما سميته على اسمي

ومره في طفل حمصي ذكي كتير سألته امه حكيلي يا ابني كيف منبرد الحليب من دون ما ننفخ عليه فقلها الولد منحط البقره بالبراد

ومره في واحد حمصي سافر على بلاد الغرب وبعد شي اربع سنين رجع وتفاجأ انو و ابوه دقنه طويله واخوه شعره طويل واخوه التاني دقنو وشواربو طوال هاد تفاجأ كتير وسألهم خير بابا شو فيه فقلو ياابن ال؟؟؟؟؟؟؟ مو اخدت عدة الحلاقه معك

هاد غيض من فيض وشكرا مع فائق احترامي لاحلى شعب حمص الغوالي
تحياتــ ميموــي