ســياسة الطرق على السطوح المعدنية والخشبية !!!! الحلقة الأولى

أولا نريد أن نخص بالشكر السيد المدير ونائبه لعدم استخدامهم لهذه السياسة التي سنتكلم عنها وهي
ســياسة الطرق على السطوح المعدنية والخشبية !!!!

سؤال للسادة الموجهين مع خالص الاحترام

شو سبب الطرق العنيف للأبواب بالعصي عند رنة الجرس أو مثلا على لوح الألمنيوم الموجود قبال كل غرفة توجيه واللي أصلا موضوع لحماية الأسلاك!!

يعني وين المتعة اذا كل يوم ببداية الدوام انو يفوت الشخص على كل شعبة ويبلش ضرب هالباب بالعصي وعلى قولة اقعود ولك شو مانك عنم تسمع .أهلك مو مرباينيك منيح .

أو اذا كان الكل قاعدين ...ولك لساتك قاعد قوم وقف على حيلك ولك

طيب ماشي نحنا ولك بس احترنا .......... نقعد وللا نوقف

ما تنسوا أنو الساعة لسا 8.03 الصبح ولسا دوبنا رددنا الشعار واجينا على الشعب لنفتح الشنتة ونطلع الكتب

أو مثلا بالفرصة دج دج دج يللا يلي ما بدو يسمع ينزل لتحت!!
وصرلا القصة منيح قرابة السنتين يعني صرنا نحس أنن متعاقدين مع شي ورشة نجارة كل فترة بيجددو العيارعلى مرة خيزران
ومرة ام دي اف ومرة سويد أو زان وشي رايحة بالعرض وشي رايحة بالطول وشي ملزقينا بشرططيون أزرق وأحمر أو أسود مثلا

بالنهاية حبيت بس استفسر شو السبب يا ترى

مع العلم أنو رح يكون حلقات تانية فعالة أكتر

عزيزي الغضنفر
معك كل الحق لكن ماذا تفعل لو كنت مكانهم هل ينفع الكلام في هذا الضجيج المرعب وهذه الفوضى العارمة
بل أكثر من ذلك من يستطيع منهم إسماع صوته
أعذرهم فهم المسؤولون عن حفظ النظام
ولنعمل جميعاً على مساعدتهم بانضباطنا
واعتقد عندها لن نسمع لا طرقاً ولا مطارق
لك تحياتي

موقف الموجهين مبرر بالتأكيد

لأنو اذا بدنا نقول الحق .الموجهين أكتر الناس عم يتعبو معنا و في كذا شب أي مو عصي وصوت عالي بتقومو من المقعد بدو جيش يجرو وينزلو علباحة

بس مشكور على المساهمة

صار هادا الصوت من روتين حيانتا
بس ياريت يتغير

شكراً الك أخي عالمساهمة و انشاله بتوصل لصاحبي القرار و بصير شي...منيح

أنا رأيي أنو العصا هيي أهم شي بالمدرسة يعني مثلا ً شو الفائدة من مدرسة فوضوية وطبعا ً كانا منعرف انو الطالب السوري مســــــــــــــــــــــــــــــــتحيل ينضبط من دون حزم وقوة فلا تقعدوا وتقلولي العصا مزعجة لأن ما بتم استخدامها إلا ضد المشاغبين .

هل نستطيع الاستغناء عن العصا؟
نعم نستطيع لندقق بتفاصيل الضجيج وباسبابه؟
نعم هناك ضجيج ولكن متى؟
عند الدخول إلى الصف أو الخروج منه أو في الأوقات الفاصلة
فلاداعي لهذا الاسلوب لان في هذه المفاصل الزمنية أشياء يقوم بها الطالب تعتبر من اللااراديات أو من المسلمات وعند الانتهاء منها يجلس بكل ارتياح وبدون شتم أو كلام لا حاجة له.
وبالنهاية الطالب بني آدم وليس روبوت؟

معليش صديقي ساموراس ...
صحيح أنو نحنا مانا بحديقة حيوان بس مو غريب نشوف بالمدرسة تصرفات مابتليق إلا بالحيوان (مع اعتذاري لهالكلمة).
يعني صار فينا متل المسلحين المنتشرين بسوريا هلق وعم يطالبوا الجيش بعدم استخدام السلاح. كمان بعض الطلاب رغم معرفتهم لمستوى الضجة المزعج بيطالبوا الأساتذة بعدم استخدام العصا.
يعني هيك طلاب ماعندون دم ولا أخلاق (طبعا ً مابقصد حدا فيكون ) كون واثق أنو مافي شي بيخليهون يهدوا ويقعدوا غير الحزم والقوة.

بل على العكس صديقي وعزيزي سامو أنا أحببت هذه الطريقة لأنني لاأتذكر أنها استـُخدمت معي مرة واحدة وذلك بسبب انضباطي الكبير في الصف .ولكن أعتقد أن كل من يذم هذه الطريقة فما ذلك إلا بسبب ملله من كثرة تعرضه للعقاب بها.ولذلك فأتمنى أن ينسى كل من جرب العصا تجاربه المريرة معها...
مع حبي عزيزي سامو......