شو تعلمت من الحياة

مرحبا للكل اليوم أنا حبيت أكتب موضوع فكرتو حلوي كتير أنو كل واحد يقلنا شو تعلم و شو عرف ب حياتو
ورح بلش أنا

تعلمت انو الشخص (( الثرثار )) يلي بيكتّر حكي شخص (( فاشل ))


تعلّمت انو (( الشهادة )) يلي مناخدها من أكبر الجامعات(( مكانها عالحيط )) بس الشهادة يلي بتعطينا ياها الحياة هية اهتمام ومطلب الجميع


تلعمت انو كل شخص بيحكي عن الشي يلي (( ناقصو )) لهيك ما بصدق من أي حديث بسمعو غير 50% طبعاً على حسب صدق الشخص ومعرفتي فيه


تعلّمت اني (( علّم )) حالي وقول انو الناس أحسن مني لحتى أسعى و صير (( أحسن )) من الناس



تعلّمت انو بهالدنيا (( السيّء)) الو مكانتو المرموقة والشخص (( المنيح )) مختفي... لالالا (( مخفي ))


تعلّمت اني(( ما )) جامل لأن المجاملة الطريق (( الأقصر للكذب ))


تعلّمت انو (( القلب الطيب )) صار اسمو بهالزمن قلب (( شرشوح )) مو طيب


تعلّمت أني ما كب حدا حبيتو (( من قلبي)).. ... ولو هوي تخلّى عني بس الدني دولاب وهالدولاب رح يفتل شي مرة ويرجع (( لعندي أنا ))
بتمنى كل شخص يقول شو رأبو وشو عرف و تعلم ب حياتو
....................................................

شو شباب صبايا وينكون انا برأي عالموضوع كتيييييييييير مهم وبدي رد كل واحد منكن
...............................................

مرحبا يعقوب اللي تعلمتو بحياتك شي كتير حلو وواقعي بس مع احترامي لرأيك مو ضروري يكون الشخص الثرثار فاشل بجوز يكون عم يحكي كتير لأنو إذا سكت وفكر شوي بجوز يبكي . أحيانا منضطر نحكي ونضحك زيادة عن اللزوم بس مشان نخبي شي زاعجنا بجوز لأنو ما بدنا نحكي عنو وبجوز لأنو إذا حكينا عنو تنزل دموعنا بالوقت اللي مالازم حدا بالعالم يشوفا بتوقع أنو حياتي القصيرة "كتير" علمتني أنو لازم ما أوثق بأي شخص مين ما كان يكون وخصوصي القريب لانو ما بتجيك الضربة إلا منو وأنو الإنسان المنيح مهما عمل وساوى صفاوة قلبو ما بتتعكر وأنو لما بتحب أي شخص بتغفرلو كل ذنوبو مهما كبرت وانو لما بتوقع بأي مشكلة مهما كانت صغيرة إذا حكيتا لأهم شخص بالكون مارح تنحل إلا إذا طلبت من ربك وحسيتو معك بكل خطوة وأنو إذا كان بدي أي شي بالكون ما أركد وراه بالعكس لازم أتركو يروح وإذا كان إلي مهما راح لبعيد بالنهاية رح يرجعلي وإذا مارجع معناها هالشي ماكان إلي من البداية .بتوقع أنو 17 سنة ما رح تعلم فتاة مراهقة ""شرقية"" أكتر من هيك وبتمنى أني ما أتعلم أكترلأنو حياتنا بدا لكلشي مقابل وأنا ما عاد فيني أعطيا أكتر
يا ريت أعرف رأيك وشكرا كتير على هالفكرة الحلوة

صديقة فرح
أهنئك على تجربتك بالحياة
و أنا معك بكل كلمي 100%
لأنو متل ما قلتي الشي المثالي يلي عم يحكي عنو يعقوب قليل أنو يكون مطبق بالواقع

مشكورين

مشكورة كتير فرح بعد الكلام اللي سمعتو منك عنجد غلبتيني واقنعتيني وكلامك كلو صح

والله يا صديقي حكيك بدل انك عايش حياة صعبة ونظرتك متشائمة للواقع
بس الواقع مو سيئ بكل الاوقات
وانا بأيد فرح لانو تصرفات الانسان ما فيك تاخدها من منظور واحد
يسلمو على الموضوع الجميل واللي بيستحق النقاش

أشكر الصديق الماتادور يعقوب وكل الأصدقاء الذين شاركوا في هذا الموضوع .
ومن وجهة نظري سأقول الحمد لله الذي خلقنا سوررين .
فسوريا هي الكرامة.
سوريا هي الشرف.
سوريا هي الإباء.
سوريا هي العرض.
سوريا هي الأم.
سوريا هي الوطن الكبير الذي جمعنا من كل الأديان .
وقائدها هو الذي رفع اسم سوريا عالياً بأفعاله الشهمة ,الصادرة عن رجل حكيم ومواطن صالح وقائد محنّك ورجل بكل معنى الكلمة.
وقد تعلمت من هذه الحياة أنّ السوري هو المواطن العربي الأصيل.
أنّ السوري هوالمواطن الذي يحبّ بلده ويضحي بأغلى ما يملك من أجله..
تعلمت أن نحمد الله على كل شيء.
تعلمت أنّ نحبّ لغيرنا ما نحبّ لأنفسنا.
تعلمت أن نفضل مصلحة الجماعة على مصلحة الفرد.
تعلمت أنً الفقير فقير العقل .
تعلمت أنّ الجمال جمال الروح.
تعلمت أن الغنى بالعقل والأخلاق والأدب..
وأتمنى أن لا أكون قد تفلسفت كثيراً ..
وشكراً....

اولا بدي اشكر الصديق يعقوب عالفكرة الحلوة
اما انو انا شو اتعلمت يعني انا ما بحس حالي كتير اتعلمت شغلات لسا لاني ما اتعرضت لمواقف او لتجارب كانت صعبة لدرجة انها اثرت فيني كتير بس بشكل عام اتعلمت اني احكي عن كلشي بقلبي بس اكيد مو لاي حدا يعني للمقربين اتعلمت اني ما احكم كتير متل قبل عالشكل لان اكيد الجمال مو بس بالشكل اتعلمت اني ما رد عكل كلمة ما بتعجبني لأن بهالحالة ما رح اسكت بس هاد ما بيعني اني وقت لازم احكي ما احكي
اتعلمت كمان انو الصداقة شي كتير حلو ولازم كل شخص يتمسك بصديقو وما يتخلا عنو لو شومصار اتعلمت انو الحياة صعبببببببة كتير وانو الواحد لازم يتعب كتييييير لحتا يوصل للشي يلي بدو اياه وانو اعمل منيح وكب بالبحر وما اعطي اي حدا اكتر من حقو انا هاد يللي اتعلمتو لهلأ انشا اتعلم اكتر واكتر مع الايام الجاي
بس كنت بدي رد عصديقتي فرح وقلا انو حكيك عن الثقة انا مو مقتنعة فيه لان الواحد ما بيحكم عكل العالم من تجاه موقف اتعرضلو بحياتو لان عنجد في بحياتنا عالم بيستاهلو ثقتنا ما عم قللك الثقة التااااامة بس الثقة لازم تكون موجودة اما النقطة التانية ويلي هي انو ما اركد ورا الشي يلي بدي اياه فانا ضدك مية بالمية بالعكس تماما يعني اسعى ياعبدي لاسعى معك وشكرا كتييييييييير

1-max ma:والله يا صاحبي انا ماقلت الواقع سيئ بشكل مطلق بس اغلب الاوقات هوي هيك
2-ساهر اليل: معقولة بعمر ال(17) لسا ما كونا نظرة بالحياة
3-السكندر: كلنا منفخر لكونا سوريين بس انا بدي شو تعلمت من الحياة؟؟؟؟؟
*شباب انا ماني عم ناقدكون هي وجهة نظري
..............................................................