مواصفات المواطن السوري

مواصفات المواطن السوري


· بيفهم في الطب ويشخص المرض ويوصفلك الدوا وبيفهم في النقاش والكهربا وتصليح السيارات
والطبخ والسياسة والطابة وكل شي بيخطر ببالك. وهو أبيض ياورد

· بيحط الريموت كونترول في كيس نايلون حتى ما يتغبر

· يقف يتكلم على الباب نص ساعة بعد إنتهاء الزيارة والسلام

· في خزانة المطبخ عنده عشرين قطرميز مربى فاضي منشان اذا احتاج يستخدمها
ومازال مُصِر على جمع المزيد

· ييجي بعد الموعد بساعتين دون ان يعتذر

· يتكلم بصوت عالي في المكالمة الدولية منشان التاني يسمعه

· بيعتبر حاله أفضل واحد في الشراء والمفاصلة
ثم يكتشف إن الشي في المحل اللي جنبه أرخص من غير مفاصلة

· بيحتفظ بأكياس محلات اللبس والأحذية وورق الهدايا تحت الفرشة لسنوات

· عنده صينية م**رات مقسمة لتلات او أربع أقسام منشان المزاج لكن لا يستخدمها

بيشتري قبل الإفطار في رمضان ألف نوع حلو ومواد استهلاكية متوفرة عنده في البيت

· عنده منقل شوي للرحلات يستخدمه مرة واحدة في العيد

· بيشيل طابع البريد من على الظرف لو الختم ما كان عليه

· بيفكر إن أي حدا بيشتغل في الخليج بيغرف مصاري من غير حساب وأغنى واحد في الدنيا

· بيكون مشغول بقيمة البخشيش طول العشا.. ياترى 5 ليرات ولا 10؟

· بيتخانق ساعة مشان يدفع حساب المطعم بحرارة شديدة ... وقلبو عم يقول حق بق.

· بيفرش شرشف التخت على طقم الكنب منشان الكنب ما يتوسخ، ولما يجوا الضيوف يترك الشرشف وما بقيمه

· اذا ركب ت**ي طول الطريق بيطلع عالعداد

.بينتظر بفارغ الصبر بياع المحارم أبو الـ 7 بمية المحارم ليموّن لشهرين عالأقل.

· وين ما رحت وترحل الابتسامة لا تغادر وجهه بالسراء والضراء ولكن لماذا يا ترى

.عندو التخبيص بلعبة الشدة مصيبة كبيرة ... وممكن يخسر رفيقه مشان برتية.

هههههههههههههه
حسيت بمعنى انو نحنا سوريين
تحياتــ ميموــي

بظن هاد هو الواقع
بس المضحك؟؟؟؟؟؟؟؟؟؟؟؟؟؟؟

يسلمو عهالمواصفات عنجد هادي هيي المواصفات للمواطن السوري

شكرا بالفعل هي المواصفات القياسية عنا للمواطن