الأساتذة نعمة أو نقمة

أكيد الأساتذة بالبيت شيء بيساعد الطالب بس أنا برأيي أنو يكونو هالأساتذة من اختيار الطالب وحاجتو ولترميم نقاط الضعف عندو بس يعني إذا تم فرض عدة اساتذة عليك وبغض النظر عن نقاط ضعفك فشو رأيك.
بعد ماانتهى الفحص أنا بدي آخذ رأيكون أنو يكون عند الطالب كتير أساتذة بالبيت ويكونوا هالأساتذة مفروضين عليه من قبل أهلو (يعني إجباري عنو) فهالشي برأيكون شي بيساعد الطالب أو بيقضي عليه.
لأن بصراحة أنا صار معي هيك وتم القضاء عليي بشكل كامل....

أكييييييد شي مو منيح بس مو بيقضي عليه.......أنا برأي انو الاساتذة بالبيت واساتذة المدرسة واساتذة الدورة الصيفية شي بيفوت بالحيط نظامي ......وأنا جربت استاذ واحد بالبيت ما حسيت حالي استفدت هالاستفادة الكبيرة والعظيمةبس بعتقد كان السبب انو اساتذة المدرسة ممتازين
برأي الواحد يعمل جهدو يفهم كلشي ويسأل عن اي شي قد ما كان سخيف بالمدرسة وساعتا اذا ما حس حالو منيح يجيب استاذ
بس مو خبط لزق واجباري من الاهل كمان؟؟؟.اي انا لو محللك انتحرت

صديقي ساموراس أنا بأكدلك أنو الأساتذة يلي كانو عندي بالبيت هنون من أفضل الأساتذة في حمص على الإطلاق .
بس هالشي مابيكفي لأن لازم ناخد بعين الإعتبار أنو الأساتذة بالبيت رح يقتلو برنامج اليوم التاني (يعني يا إما بتدرس للإستاذ يإما بتدرس للبرنامج).