الكولكة وبنات الجامعة قصة واقعية

هي قصة بتصير كل يوم ,ومع كل انسان بمكان ما...القصة ومافيها انو شب من عيلة فقيرة عند 10 اخوة كلون طلعو لحامة وشوفيريت تاكسي .

الا هل الشب قرر يكمل دراستو.خاصة بعد ما اخد البكلوريا وكبر راسو كتير, وبأول محاضرة بالجامعة بتجي بنت حلوة بتشل بتاخد العقل بتسالو بكل ادب في حدى جمبك؟؟ برد بعد ما بعرق وبتلبك مليون مرة....لا لا مافي حدى تفضلي وبدير وشو..

مرة على مرة البنت بتاخد وش عليه وبتقعد جمبو.. وباحد المرات طلبت منو المحاضرة تبع الدكتور الفلاني وبجبلها المحاضرة من تحت طقاطيق الارض .

وبعتبار البنت عرفت شب اهبل متل هاد قررت ماعاد تجي على الجامعة وتاكل من عقل الشب حلاوة مشان يكتبلها كل المحاضرات وبصير هل الشب بحاول يعمل المستحيل وكل يوم بسمع غنية هيرو لانريكة وبتخيل حالو الحبيب ومو عرفان انو اكل كم بحالو..

وبعد مضي ... اربع سنين وعند التخرج بتطلب منو رقم الموبايل... بطير عقلو من الفرح... وبعد هل المدة هي كلها وهو كاتم هل الحب بقلبو سنين بقرر انو يعترف ويقلها الحقيقة كرمال يجيب اهلو ..

بدقلها تلفون ومابترد... وبتكون الحجة دائما " انو انا ماكنت جمب الموبايل ,او كان عنا ظيوف, أو بالحمام, او امي جمبي".

والمهم لما بعترفلها بحبو ...بتقلو بليز لاء لاء نحنا مجرد رفقة وهيك مابصير ,وباحد المرات بتنسى البنت الموبايل مفتوح بعد مكالمتو وبسمعها هي وعم تحكي عليه لرفقتها انو بعرف شب حرام كتير درويش وبدو ياني وانا ماني عرفانة شو قلو رفيق الجامعة كان يجبلي محاضرات ومن هل الحكي.

واخر شي بسمع الحقيقة ....البشعة ... وبقرر يتجوز البنت يلي جابتلو امو صورتها وهي بنت الخالة ام تحسين يلي جوزا صاحب بقالية المحبة.

وبتنتهي قصة حب وبصير الشب معقد, ياترى الحق على مين على الشب الكوع وعلى البنت المكولكة.

منقول

الحق ع الشب لأن مابصير الشب يضعف مشان البنت بعدين هو من الأول كان لازم يعرف أنو هالبنت عم تضحك علي...

thankyou

أنا برأيي الحق على البنت لأن هيي لازم تعرف تتعامل مع الشب بشكل يرسم ويحدد علاقتها فيه كمان الشب لازم يحس بمشاعر الآخرين أو حتى البنت

هلأ برأيي الحق عالاتنين
اول شي البنت ماكان لازم تحسسو للشب انو في اي شي تجاهو غير الرفقة وكان لازم تحط لعلاقتون حدود
اما بالنسبة للشب فماكان لازم فورا يعقد الشغلة ويحسبها حب وماحب يعني مو كل مين حكت شب معناها بتحبو والعكس صحيح
بس بالنسبة لهالقصة فكانت واضحة انو استغلال من طرف البنت وهاد قمة الغلط يلي كتار بيلجاولو

الله يساعد هيك شباب .... ... خاصة أنو بعد أربع سنين لحتا طلب رقم هاتفها .... الأمور أبسط من هيك حبيب ..

بس الشب شكلو ع البركة ... و الحق مو على حدا ...

ههه هههههههه
مشان الرفقة هاي صارت معي شخصيا

وك اخ يلعن الحب شو بزل
وأنا حزين كتير عالشـــب وفعلاهيك بنات حرام نتعامل معن
لأنن يا صديقي بلا مشاعر اكيد

وبالنسبة للحق فالحق على الشب والبنت .....

بس الحمد الله ما صار وشي بنت أتضحكت علي
وما رح حدي يضحك علي باذن الله

أكبر خسارة خسرتا على وحدة هي قبوع بوشــار

SAMORAS

قصة حلوي ومفيدة
والحق عل شب اكيد
تحياتي k.l