وأخيراً الموقف السوري يعلن رسمياً لكل العالم

وأخيراً انطلقت من العاصمة السورية دمشق فضائية اسمها الإخبارية السورية
وتناقلت وسائل الإعلام عن الاستقلالية المطلقة للقناة
الجميل في القناة هو بدء البث التجريبي الذي يحاور الناس ويسألهم ماذا يريدون من القناة
وتطرح القناة شعاراً (( من شاور الناس شاركهم عقولهم ))
لكن نحن كشباب سوري ماذا نطلب من هذه القناة ؟
أتمنى المساهمة وإبداء الرأي

أنا ما بتوقّع تضيف شي جديد عنّا لأن الأخبار يلي رح تطلع عليها كان ممكن يطالعوها عالفضائية السورية.
بس أنا كنت بتمنّا تكون القناة ناطقة باللغة الانكليزية وتكون موجّهة نحو المنطقة الأوروبية والعالمية (لأن كتير من شعوب العالم لهلق مابيعرفوا شي عن الحقيقة يلي عم تصير بالشرق الأوسط .يعني مثلا ً من فترة لمـّا هاجمت اسرائيل قطاع غزة بالفوسفور الأبيض وقتلت كتير ناس كانت القنوات يلي بتنعرض بأوروبا مصورة هالحرب على انها حرب نظيفة ماصار فيها إلا تدمير هالكم بيت وعدد قليل من القتلى فلهيك كتير من الأوروبيين واقفين مع اسرائيل.
أما لو كان في قناة صادقة بتنعرض عندون بأوروبا وناطقة بلهجتون أكيد كانت الأمور تغيرت كتير).

أكيد رأيك صديقي كاسبر صحيح بس حبيت أعلمك إنو رح تكون القناة ناطقة باللغة العربية بس رح تقدم نشرات باللغات التالية :
الإنكليزية - الفرنسية - الإسبانية - العبرية - الإلمانية - الروسية
بس المشكلة عنا الكوادر الإعلامية المتميزة بسوريا كلها تعمل خارج سوريا ومافي حدا بسوريا مميز بالشكل يلي عم يظهر فيه سوريين في دول الخليج أمثال فيصل القاسم وغيره كتير